მართლმსაჯულება
თბილისის საქალაქო სასამართლოს 2013 წლის 29 მაისის გადაწყვეტილებით, „ახალგაზრდა ადვოკატების“ სარჩელი საქართველოს ეროვნული ბანკის მიმართ, არ დაკმაყოფილდა და სასამართლომ დავის საგანი – 1992–93 წლებში, ქვეყნის მთავარი საფინანსო უწყების მიერ 500–ზე მეტ კომპანიაზე, ჯამში 854 მილიარდი მანეთისა და კუპონის გაცემის შესახებ მოთხოვნილი საჯარო ინფორმაცია საბანკო საიდუმლოებად მიიჩნია.
თბილისის საქალაქო სასამართლოში, მოსამართლე ნათია ბუსკაძის ხელმძღვანელობით, საქართველოს ეროვნული ბანკის მიმართ, ორგანიზაცია „ახალგაზრდა ადვოკატების“ სარჩელის განხილვა გაიმართა. დავის საგანს საჯარო ინფორმაციის ხელმისაწვდომობა წარმოადგენს.
საქართველოს ეროვნული ბანკის წინააღმდეგ სასამართლო პროცესზე დასწრების სურვილი საქართველოს ათობით მოქალაქემ გამოთქვა, რომლებსაც 1990–იან წლებში კუთვნილი ანაბრები დაეკარგათ და გაუფასურდათ. ყოფილმა მეანაბრეებმა სასამართლო პროცესზე დასწრების სურვლი მოსარჩელე „ახალგაზრდა ფინანსისტთა და ბიზნესმენთა ასოციაციის – აფბას“ ცხელ ხაზზე კომუნიკაციის შედეგად დააფიქსირეს.
„ახალგაზრდა ადვოკატები“ საქართველოს ეროვნული ბანკის წინააღმდეგ თბილისის საქალაქო სასამართლოს მიმართავს და „ახალგაზრდა ფინასისტთა და ბიზნესმენთა ასოციაციის – აფბას“ ინტერესებს წარმოადგენს. სასამართლო დავა ეროვნული ბანკის მხრიდან გასაიდუმლოებულ ინფორმაციას შეეხება, რომელიც „ახალგაზრდა ფინანსისტების“ შეფასებით, საჯარო ინფორმაციაა და საჯარო უწყებას მისი ორგანიზაციისთვის მიწოდება ადმინისტრაციული კანონმდებლობით, საჯარო ინფორმაციისათვის დადგენილი 10 კალენდარული დღის მანძილზე უნდა უზრუნველყო.
საქართველოს სასამართლოებში საქმის განხილვის საქვეყნოობის მნიშვნელოვან გარანტიებს ქმნის „საერთო სასამართლოების შესახებ“ კანონში ცვლილებების სახით მომზადებული საკანონმდებლო ინიციატივა, რომლითაც მართლმსაჯულების განხორციელების პროცესში მასობრივი ინფორმაციის საშუალებების გაშუქების უფლება ბრუნდება.
„ახალგაზრდა ადვოკატების“ ხელმძღვანელმა, ადვოკატმა არჩილ კაიკაციშვილმა საქართველოში შეცვლილი ხელისუფლების პირობებში, სასამართლო წესით, განათლების სისტემიდან პოლიტიკური ნიშნით გათავისუფლებული მაღალი ადმინისტრაციული თანამდებობის პირის პირველი საქმე მოიგო.
„ახალგაზრდა ადვოკატები“ გამოვხატავთ უკიდურესს პროტესტსს თბილისის საქალაქო სასამართლოს 2012 წლის 20 სექტემბრის გადაწყვეტილებასთან დაკავშირებით, რა დროსაც ქართული მართლმსაჯულება კიდევ ერთხელ აღმოჩნდა მთავარი პროკურატურის მოთხოვნის გამტარი და საქართველოს ციხეებში პატიმართა წამებაში ბრალდებულ პირთა წრის ქმედებების დაკვალიფიცირება მოახდინა ჩადენილი დანაშაულის შეუსაბამო სისხლის სამართლებრივი პასუხისმგებლობით და შემზარავი დანაშაულის სამართალწარმოება დაიწყო სისხლის სამართლის კოდექსის 144.1 და 144.3 მუხლების მიხედვით,
„ახალგაზრდა ადვოკატები“ მოვითხოვთ დაუყოვნებლივ იქნეს მიღებული გადაწყვეტილება უფლებადამცველ დაჩი ცაგურიას ადმინისტრაციული პატიმრობიდან გათავისუფლებასთნ დაკავშირებით. ჩვენ ვგმობთ მის დაკავებას და ცემის ფაქტს. ხელისუფლება დაჩი ცაგურიას ადმინისტრაციული დაკავებით ცდილობს გაანეიტრალოს ის საყოველთაო პროტესტი, რომელიც საქართველოს ახალგაზრდების და სამოქალაქო საზოგადოების მონაწილეობით თბილისში, 19 სექტემბრიდან მიმდინარეობს
